क्रीत सोम को लानाBringing the purchased soma

वा॒रु॒णो वै क्री॒तः सोम॒ उप॑नद्धो मि॒त्रो न॒ एहि॒ सुमि॑त्रधा॒ इत्या॑ह॒ शान्त्या॒ इन्द्र॑स्यो॒रुमा वि॑श॒ दक्षि॑ण॒मित्या॑ह दे॒वा वै यं सोम॒मक्री॑ण॒न्तमिन्द्र॑स्यो॒रौ दक्षि॑ण॒ आसा॑दयन्ने॒ष खलु॒ वा ए॒तर्हीन्द्रो॒ यो यज॑ते॒ तस्मा॑दे॒वमा॒होदायु॑षा स्वा॒युषेत्या॑ह दे॒वता॑ ए॒वान्वा॒रभ्योत् ७२ ति॑ष्ठत्यु॒र्व॑न्तरि॑क्ष॒मन्वि॒हीत्या॑हान्तरिक्षदेव॒त्यो᳚ २॒ ह्ये॑तर्हि॒ सोमोऽदि॑त्याः॒ सदोऽ॒स्यदि॑त्याः॒ सद॒ आ सी॒देत्या॑ह यथाय॒जुरे॒वैतद्वि वा ए॑नमे॒तद॑र्धयति॒ यद्वा॑रु॒णं सन्तं॑ मै॒त्रं क॒रोति॑ वारु॒ण्यर्चा सा॑दयति॒ स्वयै॒वैनं॑ दे॒वत॑या॒ सम॑र्धयति॒ वास॑सा प॒र्यान॑ह्यति सर्वदेव॒त्यं॑ वै वासः॒ सर्वा॑भिरे॒वै ७३ नं॑ दे॒वता॑भिः॒ सम॑र्धय॒त्यथो॒ रक्ष॑सा॒मप॑हत्यै॒ वने॑षु॒ व्य॑न्तरि॑क्षं तता॒नेत्या॑ह॒ वने॑षु॒ हि व्य॑न्तरि॑क्षं त॒तान॒ वाज॒मर्व॒थ्स्वित्या॑ह॒ वाज॒ग्ग्॒ ह्यर्व॑थ्सु॒ पयो॑ अघ्नि॒यास्वित्या॑ह॒ पयो॒ ह्य॑घ्नि॒यासु॑ हृ॒थ्सु क्रतु॒मित्या॑ह हृ॒थ्सु हि क्रतुं॒ वरु॑णो वि॒क्ष्व॑ग्निमित्या॑ह॒ वरु॑णो॒ हि वि॒क्ष्व॑ग्निं दि॒वि सूर्य॒ ७४ मित्या॑ह दि॒वि हि सूर्यं॒॒ सोम॒मद्रा॒वित्या॑ह॒ ग्रावा॑णो॒ वा अद्र॑य॒स्तेषु॒ वा ए॒ष सोमं॑ दधाति॒ यो यज॑ते॒ तस्मा॑दे॒वमा॒होदु॒त्यं जा॒तवे॑दस॒मिति॑ सौ॒र्यर्चा कृ॑ष्णाजि॒नं प्र॒त्यान॑ह्यति॒ रक्ष॑सा॒मप॑हत्या॒ उस्रा॒वेतं॑ धूर्षाहा॒वित्या॑ह यथाय॒जुरे॒वैतत्प्र च्य॑वस्व भुवस्पत॒ इत्या॑ह भू॒ताना॒ग्॒ ह्ये॑ ७५ ष पति॒र्विश्वा᳚न्य॒भि धामा॒नीत्या॑ह॒ विश्वा॑नि॒ ह्ये᳚ २॒ षोऽ॑भि धामा॑नि प्र॒च्यव॑ते॒ मा त्वा॑ परिप॒री वि॑द॒दित्या॑ह॒ यदे॒वादः सोम॑माह्रि॒यमा॑णं गन्ध॒र्वो वि॒श्वाव॑सुः प॒र्यमु॑ष्णा॒त्तस्मा॑दे॒वमा॒हाप॑रिमोषाय॒ यज॑मानस्य स्व॒स्त्यय॑न्य॒सीत्या॑ह॒ यज॑मानस्यै॒वैष य॒ज्ञस्या᳚न्वारं॒भोऽन॑वच्छित्त्यै॒ वरु॑णो॒ वा ए॒ष यज॑मानम॒भ्यैति॒ यत् ७६ क्री॒तः सोम॒ उप॑नद्धो॒ नमो॑ मि॒त्रस्य॒ वरु॑णस्य॒ चक्ष॑स॒ इत्या॑ह॒ शान्त्या॒ आ सोमं॒ वह॑न्त्य॒ग्निना॒ प्रति॑ तिष्ठते॒ तौ सं॒भव॑न्तौ॒ यज॑मानम॒भि संभ॑वतः पु॒रा खलु॒ वावैष मेधा॑या॒त्मान॑मा॒रभ्य॑ चरति॒ यो दी᳚क्षि॒तो यद॑ग्नीषो॒मीयं॑ प॒शुमा॒लभ॑त आत्मनि॒ष्क्रय॑ण ए॒वास्य॒ स तस्मा॒त्तस्य॒ नाश्यं॑ पुरुष नि॒ष्क्रय॑ण इव॒ ह्यथो॒ खल्वा॑हुर॒ग्नीषोमा᳚भ्यां॒ वा इन्द्रो॑ वृ॒त्रम॑ह॒न्निति॒ यद॑ग्नीषो॒मीयं॑ प॒शुमा॒लभ॑ते॒ वार्त्र॑घ्न ए॒वास्य॒ स तस्मा᳚द्वा॒श्यं॑ वारु॒ण्यर्चा परि॑ चरति॒ स्वयै॒वैनं॑ दे॒वत॑या॒ परि॑ चरति अ॒न्वा॒रभ्योथ्सर्वा॑भिरे॒व सूर्यं॑ भू॒ताना॒ग्॒ ह्ये॑ति॒

खरीदकर बाँधा गया सोम वरुण का होता है। इसलिए शान्ति के लिए कहा जाता है 'मित्र बनकर हमारे पास आओ'। 'इन्द्र की दाहिनी जाँघ में प्रवेश करो' इसलिए कहा जाता है कि देवों ने खरीदा हुआ सोम इन्द्र की दाहिनी जाँघ पर रखा था, और अब यजमान ही इन्द्र है। वरुण के सोम को मित्र का बनाने से जो कमी आती है, उसे वरुण की ऋचा से रखकर पूरा किया जाता है। वस्त्र सब देवों का है, इसलिए उसे वस्त्र से लपेटकर सब देवों से युक्त किया जाता है, और राक्षसों को दूर करने के लिए सूर्य की ऋचा ('उदु त्यं जातवेदसम्') से काला मृगचर्म बाँधा जाता है। 'तुम्हें घात लगाने वाला न पाए' इसलिए कहा जाता है कि लाए जाते सोम को गन्धर्व विश्वावसु ने चुरा लिया था। अग्नीषोमीय पशु दीक्षित यजमान का अपने को छुड़ाने का मूल्य है, इसलिए कुछ कहते हैं कि उसका मांस न खाया जाए। पर दूसरे कहते हैं कि वह वृत्र-वध का पशु है, क्योंकि इन्द्र ने अग्नि और सोम की सहायता से वृत्र को मारा था, इसलिए उसे खाया जा सकता है।

Soma that has been bought and tied up belongs to Varuna. So the priest says 'Come to us as a friend' to make it gentle, and he says 'Enter Indra's right thigh' because the gods placed the soma they bought on Indra's right thigh, and the sacrificer is Indra now. Turning Varuna's soma into Mitra's leaves it lacking, so he sets it down with a Varuna verse. The cloth he wraps it in belongs to all the gods, and he ties on the black antelope skin with the Surya verse ('ud u tyaṃ jātavedasam') to drive off demons. He says 'Let no waylayer find you' because the Gandharva Vishvavasu once stole soma while it was being brought. Some say the Agni-Soma victim is the consecrated man's ransom for himself, so its meat should not be eaten. Others say Indra killed Vritra with Agni and Soma, so the victim belongs to that killing and may be eaten.

यदा॑हुः स॒प्तविं॑शतिश्च

('यदाहुः' से आरम्भ होने वाला अंश) और सत्ताईस।

(The section beginning) 'yad āhuḥ', and twenty-seven.