१मा नो॑ हिंसीज्जनि॒ता यः पृ॑थि॒व्या यो वा॒ दिवं॑ स॒त्यध॑र्मा ज॒जान॑ ।यश्चा॒पश्च॒न्द्रा बृ॑ह॒तीर्ज॒जान॒ कस्मै॑ दे॒वाय॑ ह॒विषा॑ विधेम ॥ अ॒भ्याव॑र्तस्व पृथिवि य॒ज्ञेन॒ पय॑सा स॒ह ।व॒पां ते॑ अ॒ग्निरि॑षि॒तोऽव॑ सर्पतु ॥ अग्ने॒ यत्ते॑ शु॒क्रं यच्च॒न्द्रं यत्पू॒तं यद्य॒ज्ञिय᳚म् ।तद्दे॒वेभ्यो॑ भरामसि ॥ इष॒मूर्ज॑म॒हमि॒त आ ३० द॑द ऋ॒तस्य॒ धाम्नो॑ अ॒मृत॑स्य॒ योने᳚ः ।आ नो॒ गोषु॑ विश॒त्वौष॑धीषु॒ जहा॑मि से॒दिमनि॑रा॒ममी॑वाम् ॥ अग्ने॒ तव॒ श्रवो॒ वयो॒ महि॑ भ्राजन्त्य॒र्चयो॑ विभावसो ।बृह॑द्भानो॒ शव॑सा॒ वाज॑मु॒क्थ्यं॑ दधा॑सि दा॒शुषे॑ कवे ॥ इ॒र॒ज्यन्न॑ग्ने प्रथयस्व ज॒न्तुभि॑र॒स्मे रायो॑ अमर्त्य ।स द॑र्श॒तस्य॒ वपु॑षो॒ वि रा॑जसि पृ॒णक्षि॑ सान॒सिं र॒यिम् ॥ ऊर्जो॑ नपा॒ज्जात॑वेदः सुश॒स्तिभि॒र्मन्द॑स्व ३१ धी॒तिभि॑र्हि॒तः ।त्वे इषः॒ सं द॑धु॒र्भूरि॑ रेतसश्चि॒त्रोत॑यो वा॒मजा॑ताः ॥ पा॒व॒कव॑र्चाः शु॒क्रव॑र्चा॒ अनू॑नवर्चा॒ उदि॑यर्षि भा॒नुना᳚ ।पु॒त्रः पि॒तरा॑ वि॒चर॒न्नुपा॑वस्यु॒भे पृ॑णक्षि॒ रोद॑सी ॥ ऋ॒तावा॑नं महि॒षं वि॒श्वच॑र्षणिम॒ग्निं सु॒म्नाय॑ दधिरे पु॒रो जना᳚ः ।श्रुत्क॑र्णं स॒प्रथ॑स्तमं त्वा गि॒रा दैव्यं॒ मानु॑षा यु॒गा॥ नि॒ष्क॒र्तार॑मध्व॒रस्य॒ प्रचे॑तसं॒ क्षय॑न्तं॒॒ राध॑से म॒हे ।रा॒तिं भृगू॑णामु॒शिजं॑ क॒विक्र॑तुं पृ॒णक्षि॑ सान॒सिं ३२ र॒यिम् ॥ चितः॑ स्थ परि॒चित॑ ऊर्ध्व॒चितः॑ श्रयध्वं॒ तया॑ दे॒वत॑याङ्गिर॒स्वद्ध्रु॒वाः सी॑दत ॥ आ प्या॑यस्व॒ समे॑तु ते वि॒श्वतः॑ सोम॒ वृष्णि॑यम् ।भवा॒ वाज॑स्य संग॒थे ॥ सं ते॒ पयां॑सि॒ समु॑ यन्तु॒ वाजाः॒ सं वृष्णि॑यान्यभिमाति॒षाहः॑ ।आ॒प्याय॑मानो अ॒मृता॑य सोम दि॒वि श्रवाग्॑ स्युत्त॒मानि॑ धिष्व आ मन्द॑स्व सान॒सिमेका॒न्न च॑त्वारिं॒॒शच्च॑
जिसने पृथ्वी को उत्पन्न किया, जिस सत्यधर्मा ने द्युलोक और चमकते विशाल जलों को उत्पन्न किया, वह हमें हानि न पहुँचाए; हे पृथ्वी, यज्ञ और दूध के साथ लौट आ; हे अग्नि, तेरा जो उज्ज्वल, पवित्र और यज्ञ-योग्य है, उसे हम देवों के लिए लाते हैं; मैं यहाँ से अन्न और बल लेता हूँ और थकान, भूख और रोग को त्यागता हूँ। हे अग्नि, ऊर्ज के पुत्र, जातवेदस्, तेरी कीर्ति महान है और तेरी ज्वालाएँ चमकती हैं; तू यज्ञ करने वाले को धन देता है और द्यावा-पृथिवी को भरता है। हे ईंटो, तुम चुनी हुई हो, चारों ओर चुनी हुई हो, ऊपर की ओर चुनी हुई हो: अंगिरसों की तरह दृढ़ होकर बैठो; हे सोम, बढ़ो, सब ओर से बल संचित करो और स्वर्ग में श्रेष्ठ कीर्ति धारण करो।
May he not harm us who begot the earth, who, true to his law, begot heaven and the bright, vast waters; Earth, turn back to us with the sacrifice and with milk; Agni, what is bright, pure and fit for sacrifice in you we bring to the gods; I take food and strength from here and cast off weariness, hunger and sickness. Agni, son of strength, Jatavedas, great is your fame and your flames shine; you give wealth to the worshipper and fill both heaven and earth. You bricks are piled, piled around, piled upward: settle firm as the Angirases did; swell, Soma, gather strength from every side and win the highest fame in heaven.
