१उ॒प॒प्र॒यन्तो॑ अध्व॒रं मन्त्रं॑ वोचेमा॒ग्नये᳚ ।आ॒रे अ॒स्मे च॑ शृण्व॒ते ॥ अ॒स्य प्र॒त्नामनु॒ द्युतं॑ शु॒क्रं दु॑दुह्रे॒ अह्र॑यः ।पयः॑ सहस्र॒सामृषि᳚म् ॥ अ॒ग्निर्मू॒र्धा दि॒वः क॒कुत् पतिः॑ पृथि॒व्या अ॒यम् ।अ॒पां रेतां॑सि जिन्वति ॥ अ॒यमि॒ह प्र॑थ॒मो धा॑यि धा॒तृभि॒र्होता॒ यजि॑ष्ठो अध्व॒रेष्वीड्यः॑ ।यमप्न॑वानो॒ भृग॑वो विरुरु॒चुर्वने॑षु चि॒त्रं वि॒भुवं॑ वि॒शेवि॑शे ॥ उ॒भा वा॑मिन्द्राग्नी आहु॒वध्या॑ १८ उ॒भा राध॑सः स॒ह मा॑द॒यध्यै᳚ ।उ॒भा दा॒तारा॑वि॒षां र॑यी॒णामु॒भा वाज॑स्य सा॒तये॑ हुवे वाम् ॥ अ॒यं ते॒ योनि॑रृ॒त्वियो॒ यतो॑ जा॒तो अरो॑चथाः ।तं जा॒नन्न॑ग्न॒ आ रो॒हाथा॑ नो वर्धया र॒यिम् ॥ अग्न॒ आयूं॑षि पवस॒ आ सु॒वोर्ज॒मिषं॑ च नः ।आ॒रे बा॑धस्व दु॒च्छुना᳚म् ॥ अग्ने॒ पव॑स्व॒ स्वपा॑ अ॒स्मे वर्चः॑ सु॒वीर्य᳚म् ।दध॒त्पोषं॑ र॒यिं १९ मयि॑ ॥ अग्ने॑ पावक रो॒चिषा॑ म॒न्द्रया॑ देव जि॒ह्वया᳚ ।आ दे॒वान्, व॑क्षि॒ यक्षि॑ च ॥ स नः॑ पावक दीदि॒वोऽग्ने॑ दे॒वां इ॒हाऽऽव॑ह ।उप॑ य॒ज्ञं ह॒विश्च॑ नः ॥ अ॒ग्निः शुचि॑व्रततमः॒ शुचि॒र्विप्रः॒ शुचिः॑ क॒विः ।शुची॑ रोचत॒ आहु॑तः ॥ उद॑ग्ने॒ शुच॑य॒स्तव॑ शु॒क्रा भ्राज॑न्त ईरते ।तव॒ ज्योतीग्॑ष्य॒र्चयः॑ ॥ आ॒यु॒र्दा अ॑ग्नेऽ॒स्यायु॑र्मे २० देहि वर्चो॒दा अ॑ग्नेऽसि॒ वर्चो॑ मे देहि तनू॒पा अ॑ग्नेऽसि त॒नुवं॑ मे पा॒ह्यग्ने॒ यन्मे॑ त॒नुवा॑ ऊ॒नं तन्म॒ आ पृ॑ण॒ चित्रा॑वसो स्व॒स्ति ते॑ पा॒रम॑शी॒येन्धा॑नास्त्वा श॒तं हिमा᳚ द्यु॒मन्तः॒ समि॑धीमहि॒ वय॑स्वन्तो वय॒स्कृतं॒ यश॑स्वन्तो यश॒स्कृतं॑ सु॒वीरा॑सो॒ अदा᳚भ्यम् ।अग्ने॑ सपत्न॒दम्भ॑नं॒ वर्षि॑ष्ठे॒ अधि॒ नाके᳚ ॥ सं त्वम॑ग्ने॒ सूर्य॑स्य॒ वर्च॑साऽगथाः॒ समृषी॑णाग् स्तु॒तेन॒ सं प्रि॒येण॒ धाम्ना᳚ ।त्वम॑ग्ने॒ सूर्य॑वर्चा असि॒ सं मामायु॑षा॒ वर्च॑सा प्र॒जया॑ सृज ॥ आ॒हु॒वध्यै॒ पोषं॑ र॒यिं मे॒ वर्च॑सा स॒प्तद॑श च
यज्ञ की ओर बढ़ते हुए हम अग्नि के लिए मन्त्र बोलें, जो दूर से भी और पास से भी हमें सुनता है; अग्नि द्युलोक का मस्तक और शिखर और पृथ्वी का स्वामी है, जो जलों के बीज को सक्रिय करता है, और जिसे अप्नवान और भृगुओं ने वनों में प्रज्वलित किया। हे इन्द्र और अग्नि, धन और अन्न पाने के लिए मैं तुम दोनों को बुलाता हूँ; हे अग्नि, यह तुम्हारा ऋतु के अनुसार स्थान है, इस पर चढ़ो और हमारा धन बढ़ाओ, आयु, अन्न और बल दो, विपत्ति को दूर रखो, और देवताओं को हमारे यज्ञ और हवि तक लाओ। हे अग्नि, तुम आयु, तेज (वर्चस्) देने वाले और शरीर के रक्षक हो — मुझे आयु और तेज दो, मेरे शरीर की रक्षा करो और उसमें जो कमी है उसे पूरा करो; हे चित्रावसु, मैं तुम्हारे पार सकुशल पहुँचूँ; हम सौ शीतकाल तक तुम्हें प्रज्वलित करते रहें। तुम सूर्य के तेज, ऋषियों की स्तुति और प्रिय धाम से मिले हो; मुझे आयु, तेज और सन्तान से जोड़ो।
Approaching the rite, let us speak a hymn to Agni, who hears us both far off and near; Agni is the head and summit of heaven, lord of the earth, who quickens the seed of the waters, whom Apnavana and the Bhrigus kindled in the woods. Indra and Agni, I call you both for wealth and strength; Agni, this is your seasonable birthplace: mount it and increase our wealth, give us life, food and vigour, keep misfortune far off, and bring the gods to our sacrifice and offering. Agni, you give life and splendour and guard the body: give me life and splendour, protect my body, and fill up whatever is lacking in it; Chitravasu, may I safely reach your far shore; may we kindle you for a hundred winters. You have joined with the sun's splendour, the praise of the seers and your dear abode; join me with life, splendour and offspring.
