6.4.5.1
प्रा॒णो वा ए॒ष यदु॑पां॒॒शुर्यदु॑पा॒ग्॒श्व॑ग्रा॒ ग्रहा॑ गृ॒ह्यन्ते᳚ प्रा॒णमे॒वानु॒ प्र य॑न्त्यरु॒णो ह॑ स्मा॒हौप॑वेशिः प्रातःसव॒न ए॒वा हं य॒ज्ञं सग्ग् स्था॑पयामि॒ तेन॒ ततः॒ स२ंस्थि॑तेन चरा॒मीत्य॒ष्टौ कृत्वोऽग्रेऽ॒भि षु॑णोत्य॒ष्टाक्ष॑रा गाय॒त्री गा॑य॒त्रं प्रा॑तःसव॒नं प्रा॑तःसव॒नमे॒व तेना᳚प्नो॒त्येका॑दश॒ कृत्वो᳚ द्वि॒तीय॒मेका॑दशाक्षरा त्रि॒ष्टुप्त्रैष्टु॑भं॒ माध्यं॑दिनं॒॒ २१ सव॑नं॒ माध्यं॑दिनमे॒व सव॑नं॒ तेना᳚प्नोति॒ द्वाद॑श॒ कृत्व॑स्तृ॒तीयं॒ द्वाद॑शाक्षरा॒ जग॑ती॒ जाग॑तं तृतीयसव॒नं तृ॑तीयसव॒नमे॒व तेना᳚प्नोत्ये॒तां ह॒ वाव स य॒ज्ञस्य॒ स२ंस्थि॑तिमुवा॒चास्क॑न्दा॒यास्क॑न्नं॒॒ हि तद्यद्य॒ज्ञस्य॒ स२ंस्थि॑तस्य॒ स्कन्द॒त्यथो॒ खल्वा॑हुर्गाय॒त्री वाव प्रा॑तःसव॒ने नाति॒वाद॒ इत्यन॑तिवादुक एनं॒ भ्रातृ॑व्यो भवति॒ य ए॒वं वेद॒ तस्मा॑द॒ष्टाव॑ष्टौ॒ २२ कृत्वोऽ॑भि॒षुत्यं॑ ब्रह्मवा॒दिनो॑ वदन्ति प॒वित्र॑वन्तोऽ॒न्ये ग्रहा॑ गृ॒ह्यन्ते॒ किं प॑वित्र उपां॒॒शुरिति॒ वाक्प॑वित्र॒ इति॑ ब्रूयाद्वा॒चस्पत॑ये पवस्व वाजि॒न्नित्या॑ह वा॒चैवैनं॑ पवयति॒ वृष्णो॑ अं॒॒शुभ्या॒मित्या॑ह॒ वृष्णो॒ ह्ये॑तावं॒॒शू यौ सोम॑स्य॒ गभ॑स्तिपूत॒ इत्या॑ह॒ गभ॑स्तिना॒ ह्ये॑नं प॒वय॑ति दे॒वो दे॒वानां᳚ प॒वित्र॑म॒सीत्या॑ह दे॒वो ह्ये॑ष २३ सन्दे॒वानां᳚ प॒वित्रं॒ येषां᳚ भा॒गोऽसि॒ तेभ्य॒स्त्वेत्या॑ह॒ येषा॒ग्॒ ह्ये॑ष भा॒गस्तेभ्य॑ एनं गृ॒ह्णाति॒ स्वांकृ॑तोऽ॒सीत्या॑ह प्रा॒णमे॒व स्वम॑कृत॒ मधु॑मतीर्न॒ इष॑स्कृ॒धीत्या॑ह॒ सर्व॑मे॒वास्मा॑ इ॒दग्ग् स्व॑दयति॒ विश्वे᳚भ्यस्त्वेन्द्रि॒येभ्यो॑ दि॒व्येभ्यः॒ पार्थि॑वेभ्य॒ इत्या॑हो॒भये᳚ष्वे॒व दे॑वमनु॒ष्येषु॑ प्रा॒णान्द॑धाति॒ मन॑स्त्वा॒ २४ ऽष्ट्वित्या॑ह॒ मन॑ ए॒वाश्नु॑त उ॒र्व॑न्तरि॑क्ष॒मन्वि॒हीत्या॑हान्तरिक्षदेव॒त्यो॑ हि प्रा॒णः स्वाहा᳚ त्वा सुभवः॒ सूर्या॒येत्या॑ह प्रा॒णा वै स्वभ॑वसो दे॒वास्तेष्वे॒व प॒रोऽक्षं॑ जुहोति दे॒वेभ्य॑स्त्वा मरीचि॒पेभ्य॒ इत्या॑हादि॒त्यस्य॒ वै र॒श्मयो॑ दे॒वा म॑रीचि॒पास्तेषां॒ तद्भा॑ग॒धेयं॒ ताने॒व तेन॑ प्रीणाति॒ यदि॑ का॒मये॑त॒ वर्षु॑कः प॒र्जन्यः॑ २५ स्या॒दिति॒ नीचा॒ हस्ते॑न॒ नि मृ॑ज्या॒द्वृष्टि॑मे॒व नि य॑च्छति॒ यदि॑ का॒मये॒ताव॑र्षुकः स्या॒दित्यु॑त्ता॒नेन॒ नि मृ॑ज्या॒द्वृष्टि॑मे॒वोद्य॑च्छति॒ यद्य॑भि॒चरे॑द॒मुं ज॒ह्यथ॑ त्वा होष्या॒मीति॑ ब्रूया॒दाहु॑तिमे॒वैनं॑ प्रे॒प्सन् ह॑न्ति॒ यदि॑ दू॒रे स्यादा तमि॑तोस्तिष्ठेत् प्रा॒णमे॒वास्या॑नु॒गत्य॑ हन्ति॒ यद्य॑भि॒चरे॑द॒मुष्य॑ २६ त्वा प्रा॒णे सा॑दया॒मीति॑ सादये॒दस॑न्नो॒ वै प्रा॒णः प्रा॒णमे॒वास्य॑ सादयति ष॒ड्भिरं॒॒शुभिः॑ पवयति॒ षड्वा ऋ॒तव॑ ऋ॒तुभि॑रे॒वैनं॑ पवयति॒ त्रिः प॑वयति॒ त्रय॑ इ॒मे लो॒का ए॒भिरे॒वैनं॑ लो॒कैः प॑वयति ब्रह्मवा॒दिनो॑ वदन्ति॒ कस्मा᳚थ्स॒त्यात्त्रयः॑ पशू॒नां हस्ता॑दाना॒ इति॒ यत्त्रिरु॑पां॒॒शुं हस्ते॑न विगृ॒ह्णाति॒ तस्मा॒त्त्रयः॑ पशू॒नां हस्ता॑दानाः॒ पुरु॑षो ह॒स्ती म॒र्कटः॑ माध्य॑न्दिनम॒ष्टाव॑ष्टावे॒ष
prāṇo vā eṣa yadupāṃśuryadupāgśvagrā grahā gṛhyante̋ prāṇamevānu pra yantyaruṇo ha smāhaupaveśiḥ prātaḥsavana evā haṃ yajñaṃ sagg sthāpayāmi tena tataḥ sa2ṃsthitena carāmītyaṣṭau kṛtvo'gre'bhi ṣuṇotyaṣṭākṣarā gāyatrī gāyatraṃ prātaḥsavanaṃ prātaḥsavanameva tenā̋pnotyekādaśa kṛtvő dvitīyamekādaśākṣarā triṣṭuptraiṣṭubhaṃ mādhyaṃdinaṃ 21 savanaṃ mādhyaṃdinameva savanaṃ tenā̋pnoti dvādaśa kṛtvastṛtīyaṃ dvādaśākṣarā jagatī jāgataṃ tṛtīyasavanaṃ tṛtīyasavanameva tenā̋pnotyetāṃ ha vāva sa yajñasya sa2ṃsthitimuvācāskandāyāskannaṃ hi tadyadyajñasya sa2ṃsthitasya skandatyatho khalvāhurgāyatrī vāva prātaḥsavane nātivāda ityanativāduka enaṃ bhrātṛvyo bhavati ya evaṃ veda tasmādaṣṭāvaṣṭau 22 kṛtvo'bhiṣutyaṃ brahmavādino vadanti pavitravanto'nye grahā gṛhyante kiṃ pavitra upāṃśuriti vākpavitra iti brūyādvācaspataye pavasva vājinnityāha vācaivainaṃ pavayati vṛṣṇo aṃśubhyāmityāha vṛṣṇo hyetāvaṃśū yau somasya gabhastipūta ityāha gabhastinā hyenaṃ pavayati devo devānāṃ̋ pavitramasītyāha devo hyeṣa 23 sandevānāṃ̋ pavitraṃ yeṣāṃ̋ bhāgo'si tebhyastvetyāha yeṣāg hyeṣa bhāgastebhya enaṃ gṛhṇāti svāṃkṛto'sītyāha prāṇameva svamakṛta madhumatīrna iṣaskṛdhītyāha sarvamevāsmā idagg svadayati viśve̋bhyastvendriyebhyo divyebhyaḥ pārthivebhya ityāhobhaye̋ṣveva devamanuṣyeṣu prāṇāndadhāti manastvā 24 'ṣṭvityāha mana evāśnuta urvantarikṣamanvihītyāhāntarikṣadevatyo hi prāṇaḥ svāhā̋ tvā subhavaḥ sūryāyetyāha prāṇā vai svabhavaso devāsteṣveva paro'kṣaṃ juhoti devebhyastvā marīcipebhya ityāhādityasya vai raśmayo devā marīcipāsteṣāṃ tadbhāgadheyaṃ tāneva tena prīṇāti yadi kāmayeta varṣukaḥ parjanyaḥ 25 syāditi nīcā hastena ni mṛjyādvṛṣṭimeva ni yacchati yadi kāmayetāvarṣukaḥ syādityuttānena ni mṛjyādvṛṣṭimevodyacchati yadyabhicaredamuṃ jahyatha tvā hoṣyāmīti brūyādāhutimevainaṃ prepsan hanti yadi dūre syādā tamitostiṣṭhet prāṇamevāsyānugatya hanti yadyabhicaredamuṣya 26 tvā prāṇe sādayāmīti sādayedasanno vai prāṇaḥ prāṇamevāsya sādayati ṣaḍbhiraṃśubhiḥ pavayati ṣaḍvā ṛtava ṛtubhirevainaṃ pavayati triḥ pavayati traya ime lokā ebhirevainaṃ lokaiḥ pavayati brahmavādino vadanti kasmā̋thsatyāttrayaḥ paśūnāṃ hastādānā iti yattrirupāṃśuṃ hastena vigṛhṇāti tasmāttrayaḥ paśūnāṃ hastādānāḥ puruṣo hastī markaṭaḥ mādhyandinamaṣṭāvaṣṭāveṣa
हिन्दी भावार्थHindi meaningAI द्वारा तैयारAI-generated · विश्वास: मध्यमconfidence: medium
संदर्भ:Context: ब्राह्मण भाग: यह अनुष्ठान की व्याख्या है (क्यों, क्या फल, किस शब्द का क्या अर्थ), बोला जाने वाला मन्त्र नहीं।
उपांशु ग्रह प्राण है; उपांशु से आरम्भ होने वाले ग्रह प्राण के पीछे-पीछे लिए जाते हैं। अरुण औपवेशि सोम को पहली बार आठ बार, दूसरी बार ग्यारह बार और तीसरी बार बारह बार कूटते थे, ताकि गायत्री, त्रिष्टुभ् और जगती के अक्षरों के अनुसार तीनों सवन प्रातःसवन में ही पूरे हो जाएँ। दूसरे कहते हैं कि प्रातःसवन में गायत्री से आगे नहीं जाना चाहिए, इसलिए हर बार आठ-आठ बार कूटना चाहिए। उपांशु की छलनी वाक् है, इसलिए उसके मन्त्र ('वाचस्पतये पवस्व वाजिन्', 'मनस्त्वाष्टु', 'स्वाहा त्वा सुभवः सूर्याय' आदि) उसे वाणी से पवित्र करते हैं। वर्षा चाहिए तो हाथ उल्टा (नीचे की ओर) करके पोंछे, वर्षा रोकनी हो तो हाथ सीधा (ऊपर की ओर) करके; अभिचार में कहे 'अमुक को मार, तब तुझे आहुति दूँगा', या 'तुझे अमुक के प्राण में स्थापित करता हूँ'। छह अंशुओं (सोम-डंठलों) से छह ऋतुओं के लिए और तीन बार तीन लोकों के लिए पवित्र करता है; उपांशु को तीन बार हाथ से ग्रहण करने के कारण ही तीन प्राणी हाथ से पकड़ते हैं — मनुष्य, हाथी और बंदर।
टिप्पणी:Note: यह ब्राह्मण-गद्य है जो उपांशु ग्रह के मन्त्रों और क्रियाओं की व्याख्या करता है; बीच में उद्धृत मन्त्र (TS 1.4.1 से) व्याख्या का विषय हैं, स्वयं पाठ नहीं। लंबा होने के कारण अनुवाद संक्षिप्त है। 'आ तम् इतोः तिष्ठेत्' का सामान्य अर्थ है 'जब तक वह (शत्रु) मर न जाए, खड़ा रहे'। 'सुभवः' / 'स्वभवसः' के पाठ और अर्थ अनिश्चित हैं; यहाँ प्राण-देवता अर्थ लिया गया है। 'नीचा हस्तेन' और 'उत्तानेन' को सामान्यतः हथेली नीचे और हथेली ऊपर के अर्थ में लिया जाता है।
आधुनिक अंग्रेज़ीEnglishAI द्वारा तैयारAI-generated · विश्वास: मध्यमconfidence: medium
संदर्भ:Context: Brāhmaṇa passage: this explains the rite (why, to what end, what a word means); it is not a formula spoken in it.
The upamshu cup is the breath; the cups that begin with the upamshu are drawn following the breath. Aruna Aupaveshi pressed the soma eight times at first, eleven times the second time and twelve times the third, matching the syllables of the gayatri, trishtubh and jagati, so that the whole sacrifice was completed at the morning pressing. Others say that the gayatri should not be exceeded at the morning pressing, so one presses eight times each time. The upamshu has speech as its filter, so its formulas ('Flow for the lord of speech, swift one', 'May mind reach you', 'Svaha to you, Subhava, for Surya' and the rest) purify it with speech. For rain, one wipes with the hand turned down, and to stop rain with the hand turned up. In sorcery one says 'Kill so-and-so, and then I will offer you', or 'I set you down in the breath of so-and-so'. One purifies it with six shoots for the six seasons, and three times for the three worlds. Because the upamshu is grasped three times with the hand, three animals take things with the hand: man, elephant and monkey.
टिप्पणी:Note: This is brahmana prose explaining the formulas and acts of the upamshu cup; the formulas quoted in it (from TS 1.4.1) are the subject of the explanation, not recited here. Because the passage is long, the translation is condensed. 'a tam itos tishthet' is usually read as 'he should stand until that man dies'. The reading and sense of 'subhavah' / 'svabhavasah' are uncertain; here they are taken as the gods who are the breaths. 'nica hastena' and 'uttanena' are usually taken as palm down and palm up.
स्रोत:Source: कृष्ण यजुर्वेद — तैत्तिरीय संहिताKrishna Yajurveda — Taittiriya Samhita — sanskritdocuments.org (taittirIyasamhitA). personal study and research only, not for commercial use. भावार्थ AI से बना है और समीक्षा बाकी है।The meaning is AI-generated and awaits review. सुधार सुझाएँSuggest a correction