१अ॒पांत्वेम॑न्न॒यं पु॒रः प्राची᳚ ध्रु॒वक्षि॑ति॒स्त्र्यवि॒रिंद्रा᳚ग्नी॒ मा छंद॑ आ॒शुस्त्रि॒वृदग्नेर्भा॒गो᳚स्येक॑ये॒यमे॒व सा याग्ने॑ जा॒तान॒ग्निर्वृ॒त्राणि॒ त्रयो॑दश ॥ अ॒पां त्वेंद्रा᳚ग्नी इ॒यमे॒व सा दे॒वता॑ता॒ षट्त्रिं॑शत् ॥ अ॒पां त्वेम॑न् ह॒विषा॒ वर्ध॑नेन ॥ १ र॒श्मिर॑सि॒ क्षया॑य त्वा॒ क्षयं॑ जिन्व॒ प्रेति॑रसि॒ धर्मा॑य त्वा॒ धर्मं॑ जि॒न्वान्वि॑तिरसि दि॒वे त्वा॒ दिवं॑ जिन्व सं॒धिर॑स्य॒न्तरि॑क्षाय त्वा॒न्तरि॑क्षं जिन्व प्रति॒धिर॑सि पृथि॒व्यै त्वा॑ पृथि॒वीं जि॑न्व विष्टं॒भोऽ॑सि॒ वृष्ट्यै᳚ त्वा॒ वृष्टिं॑ जिन्व प्र॒वास्यह्ने॒ त्वाह॑र्जिन्वानु॒वासि॒ रात्रि॑यै त्वा॒ रात्रिं॑ जिन्वो॒शिग॑सि॒ २ वसु॑भ्यस्त्वा॒ वसू᳚ञ्जिन्व प्रके॒तोऽ॑सि रु॒द्रेभ्य॑स्त्वा रु॒द्राञ्जि॑न्व सुदी॒तिर॑स्यादि॒त्येभ्य॑स्त्वादि॒त्यांजि॒न्वौजोऽ॑सि पि॒तृभ्य॑स्त्वा पि॒तॄञ्जि॑न्व॒ तन्तु॑रसि प्र॒जाभ्य॑स्त्वा प्र॒जा जि॑न्व पृतना॒षाड॑सि प॒शुभ्य॑स्त्वा प॒शूञ्जि॑न्व रे॒वद॒स्योष॑धीभ्य॒स्त्वौष॑धीर्जिन्वाभि॒जिद॑सि यु॒क्तग्रा॒वेन्द्रा॑य॒ त्वेन्द्रं॑ जि॒न्वाधि॑पतिरसि प्रा॒णाय॑ ३ त्वा प्रा॒णं जि॑न्व य॒न्तास्य॑पा॒नाय॑ त्वापा॒नं जि॑न्व सं॒॒ सर्पोऽ॑सि॒ चक्षु॑षे त्वा॒ चक्षु॑र्जिन्व वयो॒धा अ॑सि॒ श्रोत्रा॑य त्वा॒ श्रोत्रं॑ जिन्व त्रि॒वृद॑सि प्र॒वृद॑सि सं॒वृद॑सि वि॒वृद॑सि सं रो॒होऽ॑सि नीरो॒होऽ॑सि प्ररो॒हो᳚ऽस्यनुरो॒होऽ॑सि वसु॒कोऽ॑सि॒ वेष॑श्रिरसि॒ वस्य॑ष्टिरसि उ॒शिग॑सि प्रा॒णाय॒ त्रि च॑त्वारिंशच्च
तुम रश्मि हो, निवास के लिए तुम्हें (रखता हूँ), निवास को तृप्त करो; तुम प्रेति (आगे बढ़ना) हो, धर्म (आधार) के लिए तुम्हें (रखता हूँ), धर्म को तृप्त करो — इसी तरह द्यौ, अन्तरिक्ष, पृथिवी, वृष्टि, दिन, रात्रि, वसु, रुद्र, आदित्य, पितर, प्रजा, पशु, औषधि, इन्द्र, प्राण, अपान, चक्षु और श्रोत्र के लिए हर ईंट (अपने नाम से) रखी जाती है और उन्हें तृप्त करने को कहा जाता है। अन्त में: तुम त्रिवृत्, प्रवृत्, संवृत्, विवृत् हो; संरोह, नीरोह, प्ररोह, अनुरोह हो; वसुक, वेषश्रि, वस्यष्टि हो।
You are the ray: for dwelling (I set) you, quicken the dwelling; you are going-forth: for support (I set) you, quicken support — and so on for sky, mid-air, earth, rain, day, night, the Vasus, Rudras, Adityas, the Fathers, offspring, cattle, plants, Indra, in-breath, out-breath, sight and hearing, each brick bearing a name and asked to quicken its domain. At the end: you are threefold, forward-turning, together-turning, apart-turning; growing-together, growing-out, growing-forth, growing-after; you are vasuka, veshashri, vasyashti.
